15 pacientë kanë vdekur brenda 24 orëve të fundit në Maqedoninë e Veriut si pasojë e infektimit me Coronavirus, njofton Insajderi.
Kështu është bërë e ditur në njoftimin e fundit të Ministrisë së Shëndetësisë të këtij vendi, ku thuhet se edhe 868 raste të reja kanë rezultuar pozitive me COVID-19.
Rastet e reja të infektimit janë regjistruar nga gjithsej tre mijë e 654 testime të kryera.
Sipas njoftimit të Institutit të Shëndetit Publik, gjatë 24 orëve të fundit janë shëruar 355 pacientë.
Që nga fillimi i pandemisë, në Maqedoninë e Veriut janë regjistruar gjithsej 111.077 raste, prej të cilëve 96.925 janë shëruar, kurse tre mijë e 280 kanë ndërruar jetë. Vendi fqinj aktualisht ka 10.872 raste aktive.