Anulohet burgimi – Vrasësi martohet përderisa familjarët e Almirit po dënohen me burg (Foto)

Burimi: Zëri Shqiptar

Kur duhej të paraqitej në burg për të vuajtur dënimin, Gjykata Themelore ne Kumanovë ndryshoi vendimin dhe shtyu edhe për tre muaj burgimin për Boban Iliçin i cili kishte shtypur për vdekje vogëlushin 4 vjeçar Almir Aliun. Iliç sot shëtiste i lirë nëpër sheshin e qytetit me familjen e tij, të cilët u panë edhe nga ekipi i Tv Alsat. Ai refuzoi të përgjigjet duke tërhequr edhe familjen e tij nga kamera jonë.

Advertisement

Vendimi i Gjykatës erdhi pas kërkesës së avokatit të familjes Iliç, për të prolonguar mbajtjen e burgut për arsye sigurie. Ndërsa Prokuroria në Kumanovë u ankua ndaj këtij vendimi, duke kërkuar që ai të dërgohet prapa grilave. Alsat siguroi vendimin e Gjykatës, në bazë të cilit, Boban do të gëzoj lirinë edhe për tre muaj.

Shtyhet fillimi i mbajtjes së dënimit me burg i të dënuarit Boban Iliç nga Kumanova duke prolonguar nga 01.03.2021 për më datën 01.06.2021, kur i gjykuari detyrohet të paraqitet në Burgun K’shanje të Kumanovës, në të kundërtën do të ndiqet dhe të sillet me forcë në qeli, duke i bartur shpenzimet e arrestimit nga policia Nenit 140, pika 2 të Ligjit për Zbatimin e Sanksioneve – njoftojnë nga Gjykata Themelore e Kumanovës.

Arsyet e shtyrjes së vuajtjes së burgut nga Iliç nuk i din drejtuesi i Drejtorisë për Zbatimin e Sanksioneve Marjan Spaovski, por ai thotë se Institucioni garanton sigurinë e të gjithë të burgosurve

Shtyrja e aktvendimit për burg efektiv të Boban Iliçit është bërë nga gjykatësi për zbatim të sanksioneve, nga cila arsye nuk e di, supozoj se për arsye sigurie. Por, potencoj se si Bobani dhe të gjithë të tjerët të përfshirë të atë ngjarje tragjike ne mund të ju garantojmë sigurinë këtu brenda qelive – deklaroi Marjan Spasovski, Drejtoria për Zbatimin e Sanksioneve.

Për dallim nga shtyrja e vuajtjes së burgimit për Iliçin, Gjykata ka refuzuar shtyrjen e mbajtjes së burgut për prindin e Almirit, Sedat Aliun që duhet të vuajë burg prej gjashtë muajve si dhe dy të afërmit e tij që janë dënuar me nga 9 muaj burgim.

Boban Iliç do të mbaj burg efektiv më pak se 3 vjet sepse i është llogaritur paraburgimi dhe arresti shtëpiak. Nga dënimi prej 4 vjetësh që Apeli i uli dënimin fillestar të Themelores prej 6 vjetësh, ai do të vuaj dënimin me një burg të llojit gjysmë të hapur, ku në hapësirat e njëjta do të mbajnë dënimin edhe familjarët e Almirit.

Advertisement

Leave a Reply