Erdogan: Po negociojmë me Gjermaninë për prodhimin e vaksinës

Turqia është në bisedime me Gjermaninë për prodhimin e përbashkët të një vaksine të re kundër kovid-19.

Advertisement

“Në negociatat tona me Gjermaninë, është gjithashtu çështja e prodhimit të përbashkët të vaksinës. TUBITAK (Këshilli Shkencor dhe Teknologjik i Kërkimit Turk) vazhdon të punojë për këtë çështje”, tha presidenti turk, Recep Tayyip Erdogan në Stamboll.

Javën e kaluar, Ministri turk i Shëndetësisë, Fahrettin Koca tha se vendi i tij dhe firma gjermane BioNTech kishin arritur një marrëveshje që 550 mijë doza fillestare të vaksinës Pfizer-BioNTech do të dërgohen në vend më së voni në fillim të vitit 2021

Koca tha se 4.5 milionë doza të vaksinës do të dërgohen në Turqi deri në fund të marsit të 2021, sipas marrëveshjes. Turqia mund të ketë qasje në 30 milionë doza si pjesë e marrëveshjes, shtoi ai.

Presidenti Erdogan theksoi se Turqia ka bërë përparim në prokurimin e vaksinave, duke shtuar se rreth tre milionë doza janë dorëzuar në vend dhe se këto përpjekje do të vazhdojnë.

Advertisement

Leave a Reply