Kurti: Dy shpërthime për një kohë të shkurtër, alarm për autoritetet

Ndaj shpërthimit të sotëm në Ferizaj ka reaguar edhe kryetari i Lëvizjes Vetëvendosje, Albin Kurti.

Advertisement

Përmes një statusi në Facebook, Kurti ka thënë dy shpërthime për një kohë kaq të shkurtër janë alarm për autoritetet lokale dhe qendrore për t’u vënë në krye të detyrës në inspektimin e lokaleve.

Po ashtu u ka uruar shërim të shpejtë të lënduarve.

Ky është postimi i tij plotë:

Një javë pas shpërthimit të bombolës së gazit në rrugën Prishtinë-Ferizaj, afër një lagjeje private ku mbetën 12 të lënduar, sot morëm lajmin tragjik për shpërthimin e një bombole të ngjashme në Ferizaj, prej ku 15 dërguan për trajtim në QKUK, kurse tre të tjerë në kujdes intensiv. Uroj që të lënduarit të shërohen sa më shpejtë e të kthehen te familjarët e tyre me të cilët bashkëndjej në këto momente.

Dy shpërthime për një kohë kaq të shkurtër janë alarm për autoritetet lokale dhe qendrore për t’u vënë në krye të detyrës në inspektimin e lokaleve. Këso ngjarje tragjike që janë të shmangshme nuk mund të quhen thjesht fatkeqësi e nuk do të duhej të ndodhnin. Shteti është mbikëqyrje e mirë./RTKLIVE/

Advertisement

Leave a Reply