Një skandal i rradhës dhe një plaçkitje që u është bërë qytetarëve tash e disa muaj që nga fillimi i pandemisë, është zbuluar këto ditë. Konkretisht që nga fillimi i krizës familjarët që u kanë ndërruar jetë të afërm nga kovid-19 janë detyruar të paguajnë për një protokoll inekzistent, më saktësisht për një qese PVC me të cilën është mbështjellur kufoma dhe për një arkivol nga kallaji që është varrosur i ndjeri, e që kanë kapur vlerën prej 25.000 deri 120.000 denarë. Me këtë, krahas presionit psigjik që kanë patur të afërmit e viktimave nga kovid-19, dukshëm është dëmtuar edhe xhepi i tyre. Se kush ka përfituar nga e gjithë kjo vjedhje klasike mbetet të shihet në vijim, nëse eventualisht Prokuroria do të nis hetimet për të zbardhur rastin
Për këtë, dje kanë reaguar edhe nga Koalicioni opozitar ASH-AAA.
Sipas Protokollit të miratuar nga Qeveria e Republikës së Maqedonisë së Veriut, nuk është e rregulluar ligjërisht që trajtimi i trupit të një personi të vdekur nga kovid-19 të bëhet me arkivol metalik të mbyllur.
