Instituti Kombëtar i Sëmundjeve Infektive (NIID) në Japoni tha se, autoritetet kanë gjetur një variant të ri të coronavirusit në katër pasagjerë që erdhën nga Brazili.
Sipas medieve të huaja varianti i ri ka ngjashmëri me llojet e gjetura në Mbretërinë e Bashkuar dhe në Afrikë të Jugut.
Instituti tha se informacioni në lidhje me variantin e ri është i kufizuar në përbërjen e tij gjenetike dhe se është vështirë të përcaktohet menjëherë se sa infektues është ky lloj ose edhe efektivitetin e vaksinave aktuale kundër tij.
Një mashkull në të 40-tat e tij, i cili ishte asimptomatik pas mbërritjes, u shtrua në spital derisa sistemi i tij i frymëmarrjes iu përkeqësua.
NIID ka informuar Organizatën Botërore të Shëndetësisë për llojin e ri, duke shtuar se instituti po heton nëse ky variant shkakton raste më të rënda. /Telegrafi/