Ali Ahmeti i uron fitoren Lëvizjes Vetëvendosje dhe “subjekteve të tjera politike për rezultatet e arritura”

Para pak çastesh kreu i Bashkimit Demokratik për Integrim, Ali Ahmeti në faqen e tij zyrtare në Facebook ka uruar fitoren e Lëvizjes Vetëvendosje por pa harruar që të cek edhe rezultatet e subjekteve të tjera të dështuara politike, ku shkruan:

“Përgëzoj të gjitha institucionet dhe qytetarët e Republikës së Kosovës për mbarëvajtjen e procesit të sotëm zgjedhor.

Uroj Vetëvendosjen dhe Albin Kurtin për fitoren në këto zgjedhje të parakohshme, shumë të rëndësishme për Kosovën, popullin e saj dhe të gjithë shqiptarët.

Gjithashtu uroj edhe të gjitha partitë tjera politike për rezultatet e arritura por edhe për kontributin e dhënë që ky cikël zgjedhor të zhvillohet në frymën europiane.

Në çdo kohë dhe në çdo rrethanë, Kosova bashkë me qytetarët e saj dhe institucionet, kanë patur vëlla, aleat dhe përkrahës në mua si dhe partner dhe bashkëpunëtor tek BDI-ja dhe tek të gjithë shqiptarët e Maqedonisë së veriut, dhe unë ju siguroj që kështu do të mbetet gjithnjë.”

Leave a Reply

Your email address will not be published. Required fields are marked *