PTHP Shkup ngriti aktakuzë për zhvatje
Prokurori Publik nga Prokuroria Themelore Publike në Shkup sot ngriti aktakuzë për zhvatje kundër gjashtë personave.
Siç thuhet në kumtesën e Prokurorisë Publike, një person është akuzuar për veprat penale “zhvatje” dhe “punë e pavetëdijshme në shërbim”, një person tjetër është akuzuar për veprën penale “zhvatje”, ndërsa ai është akuzuar edhe për “rrezikim të sigurisë”, dy persona akuzohen për veprën penale të “zhvatjes”, derisa njëri nga të akuzuarit për ndihmë dhe nxitje të veprës penale të “zhvatjes”, dhe një person (noter) akuzohet për vepër penale “punë e pavetëdijshme në shërbim”.
“I akuzuari për ndihmë, veprën e ka kryer duke bërë kontaktin e parë telefonik me palën e dëmtuar më 6 shtator të vitit 2020, duke u prezantuar si e dashura e të akuzuarit të parë dhe duke i kërkuar atij takim dhe ndihmë financiare. Ajo e joshi atë që të takohej të nesërmen në rrugën “Rruga e Kaçanikut”. Kur ai erdhi në takim, të akuzuarit në disa lokacione në “Rrugën e Kaçanikut”, magjistralen Shkup-Tetovë, pikën pagesore Gllumovë, por edhe në zyrën noteriale të noterit të akuzuar në Tetovë, duke përdorur forcën dhe kërcënimin serioz e detyruan palën e dëmtuar të bënte diçka në dëm të pasurisë së tyre. Gjegjësisht, në një mënyrë veçanërisht të dhunshme, duke i shkaktuar lëndime trupore, ata e detyruan atë të nënshkruaj automjetin e tij “Maserati”, pa u paguar për të”, thuhet në kumtesë.
Noterja e akuzuar, sipas Prokurorisë Publike, akuzohet për kryerje të dukshme neglizhence në kryerjen e kompetencave dhe detyrave të saj, e nxitur nga i akuzuari i parë, ajo hapi zyrën e noterit jashtë orarit të punës, e hartoi kontratën për blerjen dhe shitjen e automjeti, duke deklaruar disa çmime joreale prej 2.950 euro, për të shmangur ndalimin e pagesës së parave të gatshme dhe detyrimin për të paraqitur transaksion të dyshimtë.
“Megjithëse nuk është bërë asnjë pagesë me çmimin e deklaruar, neni 3 i kontratës e përcakton se shuma prej 2.950 euro ishte paguar para noterit, në ditën e nënshkrimit, gjë që mundësoi transferimin e paligjshëm të pronësisë së automjetit në favor të akuzuarit të parë”, shtohet më tej në kumtesë.
Për katër nga të akuzuarit, për të cilët Gjykata Themelore Penale – Shkup më pare kishte vendosur masën e arrestit shtëpiak me vendim, prokurori publik kompetent kërkoi vazhdimin e kësaj mase, me qëllim që të zhvillojë procedurën penale pa probleme.