Një biznesmen shqiptar është arrestuar në Itali, pasi akuzohet për trafik droge.
Mediat shkruajnë se një sasi lëndë narkotike me vlerën e mbi 300 mijë eurove është sekuestruar nga policia italiane në Genova, duke çuar në pranga dy biznesmenë në fushën e ndërtimit, një shqiptar dhe një italian.
Sipas mediave italiane, të arrestuarit mësohet se janë shqiptari Dorian Resili, 40-vjeç dhe italiani, Andrea Giustetti, 50 vjeç, të dy pronarë të një kompanie ndërtimi.
Lënda narkotike ishte fshehur në një kuti brenda një garazhi, ndërsa afër drogës u gjetën edhe copa letrash, të cilat po verifikohen nga hetuesit për të zbuluar nëse japin të dhëna të rëndësishme.