Mijallkov nga Marriot në Shutkë – Dikur njeriu më i fuqishëm në shtet, sot prapa grilave

Dikur rrallë dikush që merrte guximin ta përmendte emrin e tij, as mediat nuk guxonin e ata që e merrnin guximin përfundonin ose në burg ose me dënime të mëdha për shpifje. Dënime për shpifje në vlerë prej mijëra eurosh pati për media por edhe për oponent politik.

Advertisement

Miti i Sasho Mijallkovit filloi të bie kur opozita filloi ti publikoj “Bombat” por atë kohë ende ishte në pushtet. Publikimi i “Bombave” filloi në shkurt të 2015 e Mijallkov dha dorëheqje 3 muaj më vonë, por pushtetin e tij dhe fuqinë financiare që e krijoi gjatë periudhës 8 vjeçare si shef i shërbimit sekret e dinte gjithkush, por se sa realisht ai ka qenë i fuqishëm e dëshmuan materialet e përgjuara.

Ai vendoste se kush do të dënohet e kush jo, vendoste se kush do të punësohet, kush do të marr lajmin ekskluziv madje përzihej edhe në skemën programore të televizoneve, edhe pse pushtetin e ndanin edhe funksionarët Shqiptarë, kur ju duhej nder patjetër ti lajmroheshin Mijallkovit.

Sigurisht favoret e Sasho Mijallkovit nuk ishin falas, e nëntoka nuk mund të mbahet pa i pasur nën kontroll gjykatat e pikërisht për këtë Mijallkovi nuk i linte asgjë rastësisë kur bëhej fjalë për sistemin gjyqësor.

Fytyra e Mijallkovit rrallë paraqitej në opinion, gjatë shefllëkut të tij ka dhënë vetëm një intervistë për gazetë por kjo nuk do të thotë se nuk i intereson se çka flasin mediat, me para publike siguroheshin privilegje për njerëzit e parë të disa mediave nacionale e më pas si kthim të favorit atij i lejohej të përzihej në skemën programore.

Pak mundej të lexohej për biografin e Mijallkovit në internet, aty shkruan se ka diplomuar e magjistruar në Pragë të Çekisë, e angazhimin e tij në MPB e ka filluar që në vitin 2000. Shumë është folur për pasurinë e tij por pak nga ajo pasuri është e paraqitur, në webfaqen e antikorupsionit nuk ekziston fletë-paraqitja e tij.

Pasuria që ai ka paraqitur në vitin 2015 ka kapur vlerën prej 1.5 milionë eurove, por rallë gjenë kompani të madhe në Maqedoni në të cilën Mijallkov nuk ka gisht. E gjithashtu në media është folur shumë për kompanitë që ai ka jashtë vendit.

Pak dikush besonte se Sasho Mijallkov do të përfundoj në burg posaçërisht pas arratisjes së Gruevskit e largimit të tij nga partia, as vetë Mijallkovit nuk i shkonte në mend se një ditë do të përfundojë aty ku e dërgojë Ljube Boshkovskin e vetë në vitin 2012.

Aktakuzat e gjykatës speciale flasin për përzierjet e Sasho Mijallkovit në aktivitetet ilegale të qeverisë së kaluar, ai ishte akuzuar në rrastet “Target-Fortesa”, “Trezor”, “Tortura” dhe “Titanik-2”.

Advertisement

Leave a Reply