Nga “Hani i Elezit”
“Burri i fortë Sheremet Sejdiu nga Çirezi apo Baca Sheremet si e thërrasin qytetarët, baba i katër dëshmorëve sot ka pritur vizitorë të shumtë, ndër ta edhe U.d. Presidentes Vjosa Osmani dhe kryeministrin në ardhje Albin Kurti.
Beteja e Likoshanit dhe Çirezit mori shumë jetë njerëzish të pafajshum.
Bacës Sheremet ia vranë 4 djemë, ndërsa fotografia e tij me bijtë e tij të vdekur dhe të mbëshjtellur me flamuj kombëtar, kishte bërë që shumë të rinj t’i bashkohen Ushtrisë Çlirimtare të Kosovës.
Jeta e bacës Sheremet ka qenë e vështirë dhe plotë sfida, por ai gjithmonë gjenë forcë për të inkurajuar të rinjët të punojnë për të mirën e vendit.”