Shek Hallaçi publikon pamje të tmerrshme nga burgu i Idrizovës (Video)

I burgosuri Shek Hallaçi nga grupi i njohur i Kumanovës ka shpërndarë në rrjetet sociale një video për gjendjen e mjerueshme në burgun e Idrizovës në Shkup.

Hallaçi ka përcjell edhe një porosi në adresë të institucioneve ndërkombëtare.

Ja postimi i tij:

“JUPREZANTOJ MAQEDONIN EVROPIANE NGA BURGU I IDRIZOVËS”

Ndonëse në çdo fushatë politike, çdo kush që vjen në krye të Drejtorisë së Burgut jep premtime të mëdha , situata në “Idrizovë” jo vetëm që nuk është përmirësuar, por sa vjenë e përkeqësohet !

Jeta brenda këtyre mureve nuk i plotëson as kushtet minimale! Të burgosurit janë të detyruar të qëndrojnë në një hapësirë të vogël 16 metra katrorë, deri në 16 persona, dhe më e keqja në 8 shtretër, që do të thotë se gjysma e tyre flenë në tokë !

Higjiena është e keqe, ka buburreca, insekte, nuk ka mundësi të ruhet higjiena personale. Kjo ndikon edhe në atmosferën e tensionuar në mes të dënuarve, dhe për këtë arsye shpesh ka dhe përleshje !

Për ushqimin mos të flasim, nuk ka kontrolle të pastërtisë, mbahet në kushte të mjerueshme, ku luajnë macet, pa asnjë vlerë ushqyese, jo cilësor, dhe i pamjaftueshëm . Të dënuarit varen plotësisht vetëm tek familja !

Kujdesi mjekësor pothuajse nuk ekziston ! Të burgosurit lihen pa kujdes mjekësor dhe barna, ndërsa dhe ata që arrijnë të mjekohen , ankohen për shërbimin e dobëta që marrin . Në këtë fushë problem dhe mungesa e dentistëve ose shërbimeve të tyre, nuk kanë mundësi të nxjerrin një dhëmb, nuk ka aparatura për mirëmbajtjen dhe mbushjen, nuk ka lëndë të parë për rregullimin e tyre etj… Ka pasur me dhjetëra raste vdekjesh, dhe askush nuk fol, apo nuk merr masa nga institucionet! Policia e burgjeve nuk është në gjendje të parandalojë rrahjet , dhe jo vetëm që nuk mundet, por bëhet dhe vetë pjesë e problemeve me sjelljen e papërshtatshme dhe degraduese nga personeli i saj, ndaj të burgosurve, duke nisur nga fyerjet deri në keqtrajtime fizike.
Çdo privilegj bëhet vetëm me të njohur dhe kundrejt shpërblimit . Korrupsioni është në kulmin e Zhvillimit . Ndërsa jeta e të burgosurve, në kulmin e mjerimit !

Me pak rreshta u mundova t’u sjellë një pasqyrë të gjendjes së Burgut të Idrizovës, nga Maqedonia e Veriut, në rrugën drejt Bashkimit Evropian !, duke shtuar se këtë porosi ia ndanë përfaqësive diplomatike të BE, SHBA dhe OSBE.

Advertisement

Video: https://vm.tiktok.com/ZMY8jC5f8/

Advertisement

Leave a Reply

Your email address will not be published. Required fields are marked *