Audi ka prodhuar një biçikletë elektronike, që nuk i ka vënë ende emër, por parashihet të jetë e fuqishme, shkruan Bikeradar.
Siç thonë dizajnerët, biçikleta bazohet në modelin RS Q e-tron, një veturë e garave në Rally Dakar.
Është një biçikletë shumë e fuqishme dhe është zhvilluar në bashkëpunim me një prodhues italian.
“Fantic” përmendet si partner, ndërsa biçikleta përbëhet nga një elektromotor Brose S-MAG 36V me fuqi 250 W. Bateria është e Fanticit me një kapacitet prej 720 Wh.
Korniza e biçikletës është prej alumini, ndërsa detajet nga fibra karboni. Komponentët janë Sram GX Eagle, rrotat Mavic E-Deemax dhe gomat Vittoria. Goma e pasme është 69.8 cm, dhe e përparme është 73.6 cm.
Çmimi është 8900 euro, pasi do ta ketë edhe logon e Audit.
Audi ka shitur mbi 100 mijë biçikleta elektronike vitin e kaluar, që është një rritje prej 44 për qind krahasuar me një vit më parë.
