Kurti: Serbia e ka pranuar njohjen “de facto”, por unë nuk i besoj plotësisht

Kryeministri i Kosovës, Albin Kurti, ka thënë se Serbia e ka pranuar njohjen “de facto” të Kosovës.

Duke raportuar para deputetëve për takimin e Ohrit, të mbajtur më 18 mars, Kurti e ka cilësuar marrëveshjen si historike për Kosovën, teksa ka thënë se Serbia e ka pranuar Kosovën si anëtare të barabartë.

Mirëpo, Kurti është shprehur skeptik ndaj këtij pranimi, duke thënë se nuk i beson Serbisë.

“Ja vlejti mundimi sepse arritëm një marrëveshje me Serbinë. Marrëveshja bazë tregon se politika e jashtme e Kosovës bazohet në standarde evropiane”.

“Serbia ka pranuar ta njohë Kosovën si anëtare të barabartë. Ajo e ka pranuar këtë, megjithëse nuk i besoj plotësisht. Ajo e ka pranuar që nuk mundet ta përfaqësojë shtetin tonë. Jemi përkushtuar të zhvillojmë marrëdhënie të mira fqinjësie. Ka pranuar që mos ta kundërshtojë as anëtarësimin e Kosovës në organizata kombëtare. Kjo është njohje “de facto” në një marrëveshje të nënshkruar. BE dhe ShBA janë garantues të kësaj marrëveshjeje”, tha Kurti, para deputetëve.

Leave a Reply

Your email address will not be published. Required fields are marked *