Ora policore do të zgjasë për dy javë dhe do të vlejë edhe gjatë fundjavave, tha sot Ministri i Shëndetësisë Venko Filipçe. Komisioni për Sëmundjet Infektive propozoi këtë mëngjes, dhe Qeveria duhet të vendosë nesër nëse nga e Mërkura do të vendoset orë policore nga 22:00 në 5:00.
Filipçe tha se edhe pse objektet hotelierike janë të hapura deri në orën 21, ka grupe në to, si dhe tubime në vende publike, masat nuk respektohen dhe për shkak të kësaj gjatë kësaj periudhe ka rritje të numrit të pacientëve të rinj të shtruar në spital për shkak të kovid-19.
“Klinikat e interne në Shkup janë në stend baj dhe të gatshme për të pritur pacientë me kovid. Goditja në spitale nuk është aq e fortë sa ishte në nëntor dhe ky është një ndryshim i rëndësishëm. Është e vështirë të thuash nëse ky trend do të vazhdojë, nëse do të ruhet pllaja ose vala do të rritet. Ekzistojnë mendime të ndara midis epidemiologëve për këtë çështje. Por duhet të jemi të kujdesshëm dhe të përgatitur. “Kjo do të jetë e vlefshme për 2 javë, por natyrisht ne jemi duke monitoruar situatën dhe është e mundur që të ketë ndryshime,” tha ministri.
Filipçe tha se Komisioni u bëri apel inspektorateve kompetentë që të dalin për kontrolle më shpesh, për shkak të mosrespektimit të masave.