Simptomat si temperatura ose humbja e të nuhaturit, konsideroheshin ndër shenjat karakterizuese të COVID-19 në fillim të pandemisë, ndërsa tash janë më pak të raportuarat.
Dhimbja e fytit mund të jetë simptoma kryesore që sugjeron se dikush është prekur me COVID-19, sipas studimit të ri, raportoi skynews.
Simptomat tjera janë dhimbja e kokës dhe mbyllja e hundëve, sipas studimit Zoe COVID.
Studimi përmend kollitjen, zërin e ngjirur, teshtitjen, lodhjen dhe dhimbjen e muskujve, ndër simptomat më të zakonshme.20 simptomat e raportuara javën e kaluar nga 17,500 persona që rezultuan pozitivë për koronavirus në Britani:
Dhimbje e fytit – 58%
Dhimbje e kokës – 49%
Mbyllja e hundëve – 40%
Kollë e thatë – 40%
Rrjedhja e hundëve – 40%
Kollë me këlbaz – 37%
Zëri i ngjirur – 35%
Teshtitje – 32%
Lodhje – 27%
Dhimbje e muskujve – 25%
Trullosje – 18%
Gjëndra të fryra në qafë – 15%
Dhimbje e syve – 14%
Ndryshim në nuhatje – 13%
Shtrëngim në gjoks – 13%
Temperaturë – 13%
Dridhje nga i ftohti – 12%
Shkurtim në frymëmarrje – 11%
Dhimbje e veshit – 11%
Humbje e të nuhaturit – 10%