Netanyahu planifikon të vizitojë të enjten Emiratet e Bashkuara Arabe

Kryeministri izraelit, Benjamin Netanyahu, ka në plan të enjten të vizitojë Emiratet e Bashkuara Arabe (EBA), sipas gazetës “Israel “Hayom”.

Advertisement

Asnjë burim zyrtar izraelit nuk e ka konfirmuar lajmin.

“Zyra e kryeministrit ka rifilluar kontaktet me përfaqësuesit e princit të kurorës së Abu Dhab-it, Mohammed bin Zayed, për të koordinuar vizitën e Netanyahut”, tha gazeta.

“Sipas planit aktual, i cili nuk është miratuar përfundimisht, vizita do të bëhet të enjten”, shtoi e përditshmja izraelite.

Javën e kaluar, Netanyahu shtyu vizitën e tij zyrtare në EBA për shkak të vështirësive që u shfaqën në koordinimin e kalimit të fluturimit të tij përmes hapësirës ajrore të Jordanisë.

Netanyahu e ka shtyrë vizitën e tij në EBA shumë herë që nga nënshkrimi i marrëveshjes së sponsorizuar nga SHBA-ja në shtator për të normalizuar marrëdhëniet e tyre.

Advertisement

Leave a Reply