Nikollovski: I zgjatëm dorën VMRO-së për përparim të vendit

Zv. Kryeministri për Luftën kundër Korrupsionit Ljupço Nikollovski në një deklaratë për MIA tha se çinstalimi i sundimit të regjimit 11-vjeçar do të thotë veprim i gjerë në të gjitha nivelet dhe kjo është arsyeja pse LSDM zgjati dorën e saj për përparimin demokratik.

“Kur themi çinstalimi i regjimit, kjo do të thotë veprim i gjerë në të gjitha nivelet e politikës dhe në të gjitha nivelet e qeverisjes, nga çlirimi i Qeverisë nga përmbajtja e regjimit, duke thyer zinxhirin e revanshizmit, deri në pastrimin e gjyqësorit. Kjo është iniciativa jonë e fundit për të inkurajuar progresin demokratik në VMRO, përmes veprimit të përbashkët për përparimin e vendit. Është një shans për demokratizim dhe ndryshim në vetë partitë politike, dhe kryesisht në VMRO-DPMNE. Ne, si Qeveri, kemi treguar mendimin tonë vizionar, nga fakti që pas disa ditësh votimi të besimit në Kuvend, Kryeministri Zaev e zgjati dorën një debati mbi pajtimin kombëtar, i cili është provë jo vetëm e udhëheqjes, por edhe i vetëdijes së lartë politike kur bëhet fjalë për zgjidhjen e problemeve të qytetarëve dhe krijimin e kushteve më të mira për jetë”, thotë Nikollovski.

Leave a Reply

Your email address will not be published. Required fields are marked *