Shteti evropian i cili u godit me 17 tërmete brenda një jave

Edhe pse është një ishull vullkanik i mësuar me dridhje të herëpashershme, kjo ka qenë një javë e pazakontë për Islandën. Sipas Zyrës Meteorologjike Islandeze, rreth 17 mijë tërmete kanë go ditur rajonin jugperëndimor të Reykjanes gjatë javës së kaluar.

Advertisement

Tërmeti më i madh, me magnitudë 5.6 ballë në shkallën Rihter, ndodhi në mëngjesin e 24 shkurtit. Ishte më i forti në një valë tërmetesh që vazhdon të trondisë banorët në kryeqytetin afër Reykjavík dhe komunat përreth tij. Dy tërmete më të mëdhenj me magnitudë 5.0 ballë tronditën vendin gjithashtu në 27 Shkurt dhe 1 Mars.

“Unë kam përjetuar tërmete më parë, por kurrë kaq shumë me radhë,” i tha një banor Reykjavikut CNN. “Është shumë e pazakontë të ndjesh Tokën të dridhet 24 orë në ditë për një javë të tërë. Kjo të bën të ndihesh shumë i vogël dhe i pafuqishëm kundër natyrës”.

Islanda ulet në një kufi të pllakave tektonike që ndahet vazhdimisht, duke shtyrë Amerikën e Veriut dhe Euroazinë larg njëri-tjetrit përgjatë vijës së Kreshtës Mid-Atlantike. Shumica e aktiviteteve sizmike këtu merren vetëm nga pajisje të ndjeshme shkencore. Dridhjet e herëpashershme të forta janë një pjesë e pashmangshme e të jetuarit në një rajon aktiv sizmik.

Një profesor i vullkanologjisë në Universitetin e Islandës, tha se shqetësimet mbi aktivitetin e fundit sizmik janë të kuptueshme. “Sigurisht që shqetëson njerëzit. Për këtë rajon, kjo është në të vërtetë mjaft e pazakontë, jo për shkak të llojit të tërmeteve ose intensitetit të tyre, por për kohëzgjatjen e tyre. Po shkon për më shumë se një javë tani. Pse po ndodh kjo? Ka shumë të ngjarë që të kemi një ndërhyrje të magmës në koren e Tokës. Ajo ka lëvizur përfundimisht më afër sipërfaqes, por ne po përpiqemi për të kuptuar nëse po lëviz edhe më afër tij, “tha ai.

Me vullkane të shumta në zonë, zyrtarët lokalë kanë paralajmëruar se një shpërthim tjetër mund të jetë i pashmangshëm.

Islanda ndodhet në një kufi të pllakave tektonike mes Amerikës së Veriut dhe Euroazisë përgjatë vijës së Kreshtës Mid-Atlantike. Dridhjet e herëpashershme të forta janë një pjesë e pashmangshme e të jetuarit në një rajon aktiv sizmik, por këtë herë duket se gjëmimet nën tokë nuk kanë fund.

Advertisement

Leave a Reply