Visar Riza: Enver Sekiraqa ma ka vra vëllanë

Në gjykimin ku Enver Sekiraqa akuzohet për shtytje në vrasjen e Triumf Rizës, sot dëshmoi Visar Riza, vëllai i të ndjerit.

Advertisement

Visar Riza dhënien e dëshmisë e kishte filluar seancën e kaluar, për sot kishte mbetur t’i parashtrojë pyetje  Kosovare Kelmendi, avokatja e të akuzuarit Enver Sekiraqa.

Avokatja Kelmendi gjatë kohës sa po e pyeste Visar Rizën se a ishte në dijeni për problemet e të ndjerit, ai deklaroi me të madhe se Enver Sekiraqa ia ka vrarë vëllanë.

“Unë faktikisht këto nuk i di mirëpo asnjë problem me dikond tjetër nuk e kena pas”,tha dëshmitari.

Kujtojmë se, Enver Sekiraqa, sipas aktakuzës, ngarkohet se kishte nxitur Arben Berishën për vrasjen e Triumf Rizës, vrasje që ndodhi më 30 gusht 2007.

Gjithnjë sipas Prokurorisë, Triumf Riza ishte vrarë më 30 gusht 2007 pasi kishte dalë nga lokali ‘AM:PM’, duke shkuar në drejtim të makinës së tij ishte qëlluar me 11 plumba prapa shpinës nga Arben Berisha dhe tre prej tyre ishin vdekjeprurës për të.

Për vrasjen e Triumfi Rizës janë shqiptuar gjysmë shekulli dënime me burgim ndërsa dënimi më i lartë i është shqiptuar Arben Berishës si ekzekutor i kësaj vrasje – 35 vite burg.

Advertisement

Leave a Reply