Në kuadër të Forumit Ekonomik apo i njohur ndryshe si Mini Shengeni, tanimë kryeministri i Shqipërisë, Edi Rama dhe presidenti i Serbisë, Aleksandar Vuçiq janë parë bashkërisht.
Që të dy, janë pritur nga kryeministri i Maqedonisë së Veriut, Zoran Zaev ndërkaq këtë të fundit në një tryezë me Ramën dhe Vuqiçin e ka shoqëruar edhe i pari i Qytetit të Shkupit, Petre Shilegov.
Ky i fundit madje kishte planifikuar edhe dhurata për të tre. U dha fanella, i qerasi me misër dhe pasi ecën në këmbë sheshin, shkuan drejtë veturave të tyre.
Takimi që vjen një ditë para Forumit Ekonomik që do të mbahet në Shkup, është realizuar në formatin jozyrtar në njërin nga restorantet që gjendet në Sheshin “Maqedonia” në Shkup, raporton TV21.