Nga 416.614 persona të cilët janë vaksinuar me dy doza kundër KOVID-19, përfshirë edhe ditën e djeshme, gjithsej 167 persona janë infektuar 14 ditë pas pranimit të dozës së dytë. 11 prej tyre janë hospitalizuar, kanë informuar nga Ministria e Shëndetësisë.
Sipas Ministrisë, kjo është tregues se numri i të infektuarve nga personat e vaksinuar është shumë i vogël dhe konfirmim se vaksina është funksionale dhe paraqet mënyrën e vetme të ndryshohet fotografia për pandeminë.
Ministria e Shëndetësisë
“Sipas analizës së fundit nga 1 deri 31 korrik janë regjistruar 809 raste pozitive me koronavirus. Prej tyre 82 persona janë infektuar pas 14 ditë të kaluar pas vaksinimit me dozën e dytë. Kjo tregon se vaksina është efikase vetëm kur të pranohen dy dozat dhe të kalojnë 14 ditë nga pranimi i dozës së dytë”
Nga ministria theksojnë se vetëm 10 për qind e rastreve aktive në korrik janë infektuar pas pranimit të dozës së dytë. Në mesin e të infektuarve ka të vaksinuar me Sinofarm, Astra Zeneka, Sputnik, Fajzer, ndërsa ka të infektuar edhe persona që janë vaksinuar jashtë vendit me vaksinën e Modernës.