Agjencia shtetërore e lajmeve SANA, duke cituar një zyrtar ushtarak të paidentifikuar, tha se sulmet ndodhën pas mesnatës së të premtes, duke shkaktuar gjithashtu “humbje materiale”. Ai shtoi se disa nga raketat izraelite u rrëzuan përpara se të arrinin objektivat e tyre, raportoi Associated Press.
Observatori Sirian për të Drejtat e Njeriut me bazë në Britani, një monitorues i luftës i opozitës, tha se sulmet vranë pesë ushtarë sirianë dhe dy anëtarë të grupeve të mbështetura nga Irani.
Ushtria izraelite nuk pranoi të komentojë, duke thënë se nuk reagon ndaj “raporteve të huaja”.
Sulmi në Aeroportin Ndërkombëtar të Damaskut erdhi 10 ditë pasi Izraeli nisi një sulm me raketa në aeroportin verior të Alepos të Sirisë, duke e lënë atë jashtë funksionit për disa ditë. Ky ishte sulmi i dytë në aeroportin e Aleppos brenda një jave.