Në lidhje me seancën e sotme qeveritare, publikut i drejtohet kryeministri Zoran Zaev.
Ai është i shoqëruar nga zëvendëskryeministrat Nikolla Dimitrov dhe Ljupço Nikollovski, si dhe ministrat Bojan Mariçiq dhe Fatmir Besimi.
Dje, Komisioni për sëmundje ngjitëse propozoi orë policore në tërë territorin e vendit, duke filluar nga ora 22:00 deri në orën 05:00 të ditës së nesërme. Propozimi vjen për shkak të rritjes së rasteve pozitive nga Covid-19./TV21
TV21 ka mësuar, se në seancën e sotme qeveritare është miratuar rekomandimi i Komisionit për Sëmundje Ngjitëse për orën policore.
Kjo nënkupton, që nga nesër në Maqedoninë e Veriut do të kemi orë policore që do të fillojë në ora 22:00 dhe do të mbarojë në ora 05:00 të ditës së nesërme.
Kjo masë vlen për dy javë.