Një ekip i Organizatës Botërore të Shëndetësisë (OBSH) sot ka dalë nga karantina dhe ka filluar hetimin e tyre të shumëpritura për origjinën e coronavirusit në qytetin kinez të Wuhanit.
Shkencëtarët do të fillojnë të intervistojnë njerëz nga institutet kërkimore, spitalet dhe tregu i prodhimeve të detit të lidhura me shpërthimin fillestar.
Hulumtimi i tyre do të mbështetet në provat e siguruara nga zyrtarët kinezë.
Kjo vjen pas muajsh negociatash midis OBSH-së dhe Pekinit, raporton cnn.
Në një intervistë me CNN-in, virologu holandez dhe anëtari i ekipit, Marion Koopmans pohoi se “Sytë e botës janë të përqendruar në këtë, mendimet e botës janë të përqendruara në këtë”.
Grupi prej 13 ekspertësh kishte mbërritur në Wuhan më 14 janar dhe po përgatiten të përfundojnë karantinën e tyre dy-javore të enjten.
Ndryshe, Kina një kohë të gjatë nuk kishte lejuar mjekët e OBSH-së që të hetojnë pretendimet se virusi kishte dalë nga laboratorët ose ka lindur në mënyrë natyrale.